Estadio Verónica Boquete – San Lázaro porta 15

a
M

ACTUALIDADe SD COMPOSTELA

Crónica comezos de Setembro Noia, Ordes, A Carixa e máis

por | Sep 15, 2023

A SD Compostela Atletismo volveu a colleitar dúas importantes premiacións grazas aos resultados dos seus deportistas que, ademais de atoparse nun excelente estado de forma, aproveitan as citas próximas á cidade para xuntarse e compartir magníficas experiencias deportivas en grupo.

En Noia, na XXV Carreira Pedestre da vila noiesa, os nosos recolleron o máximo recoñecemento por equipos logo de completar a proba deportiva nocturna que contou coa asistencia de 20 atletas compostelanistas. Amador Pena, Alberto Mariño, José Sandá, Emilio García, Martín Abelenda, Sindo González, Francisco Pazos, Jesús Barral, Manuel Castiñeiras, Joaquín Sangiovanni, Juan José Alvarellos, Juan Luis Botana Mosquera, Juan Luis Botana Ferreiro e Pablo Fernández; no apartado masculino, e Elena Veres, María Tarrío, Fini Riber, Laura Botana, Antía Botana e Malena Amigo, no eido feminino, foron partícipes destes excelentes resultados. Entre os atletas máis novos; Iago Mateos foi 2º Sub16 e na proba Sub10 tivemos a Xián Martínez (1) e Xan Vilas (2) e Daniela Gil.

Celebramos tamén a fantástica participación dos compostelanistas na X Carreira Nocturna Corre por Ferrol, en que Amador Pena levou o 2º posto e Elena Veres foi 3ª absoluta. María Tarrío acadou a 4ª posición, sendo tamén 3ª da categoría. Manuel Castiñeiras, Joaquín Sangiovanni, Juan Amigo, Javier Miramontes e Malena Amigo completaron a lista de atletas branquiazuis correndo polas rúas ferrolás. Iago Mateos (2º Sub16) e Xeila Mateos (2º Sub8) participaron das probas para cativos.

O domingo pasado acadamos outro gran recoñecemento por equipos subindo ao segundo caixón do podio no concello de Ordes. Na consecución da “medalla de prata” por formacións deportivas foron fundamentais as participación de: Cristian Muiño, Amador Pena, Alberto Mariño, Sindo González, Jesús Barral, Gerardo Cachafeiro, Segundo Domínguez, Fini Riber, Francisco Pena e Silvia Fernández.

A xornada do domingo tamén acolleu a celebración do Trail da Carixa, en Vila de Cruces, unha proba de montaña que vai sumando adeptos dentro do noso club e que volveu a contar coa participación de varios atletas compostelanistas na modalidade de relevos. As nosas Malena Amigo e María Maroñas, que se estreaban neste tipo de probas de montaña, conseguiron a 3ª posición por parellas femininas; e Roberto Salvado e Julia Salvado, dous expertos das carreiras de montaña, subiron ao 3º posto na modalidade de relevos mixtos. As parellas formadas por Manuel Castiñeiras e José Sandá, Laureano Varela e Nuria Mejuto, Elena Veres e Joaquín Sangiovanni, María Tarrío e Antonio Vázquez, e o noso Juan Amigo, acompañado de Conce Noya, tamén completaron esta fermosa e inigualable carreira.

En Meaño, Martina López, e en Gundián, Emilio García, luciron as cores da Esedé.

Esta semana demos o pistoletazo de saída a unha nova tempada deportiva para os cativos en idade escolar. Arrincamos así unha tempada moi ilusionante, en que rapazas e rapaces poderán aprender e divertirse practicando deporte ao aire libre xunto con outros compañeiros.

Esta fin de semana correremos en Arzúa, Corcubión, Touro e máis! Vémonos nas carreiras!

Redactado por Nuria Mejuto

Otros contenidos de la misma autora

Crónica verán, fináis de Xullo e comezos de Agosto

Crónica verán, fináis de Xullo e comezos de Agosto

Temos moitas crónicas atrasadas pero eso non quere decir que os nosos deixaran de competir, nin moito menos! Comezamos polas últimas competicións de xullo, con éxito absoluto dos nosos! Cristian Muiño e Mencía Reborido gañadores absolutos na popular de Baio. Na II...

Crónica Xullo 22/23 Barreiros e Irlanda

Crónica Xullo 22/23 Barreiros e Irlanda

ÉXITO IMPARABLE PARA AS NOSAS ATLETAS!! Julia Salvado e Paula Fernández destacaron a pasada fin de semana. Tivemos poucas competicións, entre outras cousas, debido as eleccións xerais, pero aínda con esas tivemos competición. Ata o Monte Comado en Barreiros,...

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.