Un numeroso grupo de atletas da SD Compostela Atletismo desprazouse a Sevilla para vivir a experiencia da media maratón da capital andaluza.
Foi unha xornada enriquecedora a todos os niveis; tanto polo interés que dita carreira esperta no noso club ano tras ano e que en cada edición cita a un maior número de atletas compostelanistas, como polos excelentes resultados conseguidos. Jordi Carrasco e Soledad Leiro acadaron rexistrar novo récord en media maratón nas súas respectivas categorías a nivel autonómico, todo un hito para os noso atletas, o noso club e para o atletismo galego en xeral. Xunto a eles, tivemos a outros atletas que, de igual maneira, lograron éxitos individuais conseguindo mellorar marcas personais ou completar unha proba deste nivel logo dun largo parón deportivo: Daniel Álvarez, Joaquin Sangiovanni, Alberto Pereira ‘Piti’ e Esteban Otero.
A nivel autonómico, na pista cuberta de Ourense, celebrouse unha nova xornada de control de marcas da FGA. Alí, o noso Alejandro Montero participou na proba de 3.000 metros rexistrando un tempo de 9:30.15.
A Esedé tamén estivo presente nas probas de montaña; en concreto no Trail de invierno da Fonsagrada ‘Terras de Burón’ o noso Xosé María Rodríguez completou a Maratón das Seimeiras.
E temos pendente a Carreira Popular de Pontecesures, adiada por mor do temporal. Seguimos!
0 comentarios