Ante as informacións aparecidas nos medios de comunicación e publicada pola federación Portuguesa de atletismo onde se informa dunha sanción de 4 anos por consumo de cocaína do noso atleta Nuno Costa, queremos deixar claro que:

1 — Nuno Costa pasa un de tantos controis de dopaxe durante unha proba deportiva, tempo despois é notificado dun positivo en cocaína.
2 — Tendo claro o atleta que non consumiu esta sustancia acude ao día seguinte a facer unha contra análise nun laboratorio público.
3 — Esta análise arroxa un resultado NEGATIVO en canto a consumo de calquera sustancia relacionada coa cocaína mínima nos últimos 3 meses
4 — A propia análise positiva indica polos seus valores que pode tratarse dunha contaminación cruzada.
5 — A Nuno Costa ofréceselle declararse culpable e aceptar unha sanción de entre 1 e 3 meses, o cal desestima sabendo da súa inocencia ao 100%.
6 — A Cocaína non está tipificada como sustancia dopante se non de uso recreativo, ao non aceptar o seu consumo nin o resultado positivo a sanción vaise a 4 anos.
7 — Non existe ningunha notificación por parte da axencia española antidopaxe nin da federación Galega ou Española de atletismo.
8 — Nuno Costa quedará apartado do equipo por mutuo acordo en canto non se resolva administrativamente pola xustiza o seu positivo.
9 — O club, coas probas no noso haber defendemos totalmente a súa inocencia e informamos de que emprenderemos accións legais contra todos aqueles que danen a nosa imaxe ou a do propio atleta con insinuacións, afirmacións ou comentarios producidos a raíz deste suceso.
10 — Na SD Compostela Atletismo mostramos a nosa total repulsa e rexeitamento a calquera tipo de consumo de sustancias dopantes ou ilegais e avogamos por un deporte san e limpo en onde primen os valores de saúde e sobre todo respeto polas persoas