Estadio Verónica Boquete – San Lázaro porta 15

a
M

ACTUALIDADe SD COMPOSTELA

Toro consolida ao Compos entre a élite do atletismo máster nacional

por | Mar 24, 2023

Dende a creación do club a finais de 2019, o Compos estivo presente en todas as edicións dos campionatos de España de campo a través por equipos, tanto en categoría Máster como en categoría Absoluta, cada ano dando un pasiño máis e neste 2023 acadamos o noso primeiro campionato de España por equipos, non podía ser doutro xeito que liderado pola gran Julia Vaquero, a cal desperta expectación alá en canta proba compite ¡

Nunha mañá ben solleira pero con temperatura agradable e nun circuíto rápido aínda que con firme irregular que fixo dubidar no uso de zapatillas de cravos, as nosas rapazas F50 acadaron o título de campioas por unha diferencia mínima de 2 segundos con respecto as segundas clasificadas, o Trotrasierra de Hornachuelos.

Acompañaron a Julia nesta fazaña de equipo Vicky González, Fini Riber e Malena Amigo, un equipazo que seguro nos seguirá dando ledicias durante moitos anos!

Papelón tamén o de María Tarrío en F45, aproveitando o seu grande estado de forma para colarse no posto 23º nunha categoría cun gran nivel!

Xa avanzada a mañá chegou a tanda para os nosos M45/M50, a baixa de última hora de Fernando González fixo que Antonio Vázquez e Jose Antonio Gontán baixaran a categoría M45 para formar equipo con Marcelo Lanza, foi este último quen liderou o equipo cun fantástico posto 63º, seguido de preto por Gontán que foi 65º e de Antonio no 79º, coa suma de tempos os nosos acadaron a posición 15º.

E xa en pleno medio día con Lorenzo quentando finamente foi a quenda para os M35, nesta ocasión Amador Pena baixou de categoría de idade para formar equipo con Antón Ruanova e Miguel Barral, 18º posto para Amador, 25º para Antón e 45º para Miguel, unha grande actuación que os situou na 7ª praza por equipos.
Os relevos puxeron o broche final a este Domingo 19 de Marzo, participamos con Gontán, Fini, Marcelo e Vicky acadando o 12º posto.

Unha experiencia fantástica a vivida en Zamora despois de varias edicións en terras Andaluzas, que non fai máis que consolidar ao noso club no panorama nacional e dando pasiños de ilusión e bo facer, xa pensando no seguinte campionato nacional por equipos.

Redactado por Nuria Mejuto

Otros contenidos de la misma autora

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.