Ata Puerto de la Cruz (Tenerife) desprazáronse tres compoñentes da SD Compostela Atletismo buscando facerse con título de campións de España de 5K en ruta por categorías. Amador Pena situouse entre os máis veloces da proba e acadou a medalla de bronce na categoría M40 cun tempo de 16:06, quedándose a 3’ da prata. A única representante feminina da Esedé en Puerto de la Cruz, Vicky González, foi segunda F50 parando o crono en 21:06. Juan Carlos Casal, nunha igualada categoría M45, foi 8 cun tempo de 17:48.

Unha das citas máis agardadas do mes de Xuño tivo lugar este sábado. A media maratón que une as vilas de Palas de Rei e Melide polo Camiño De Santiago; “Os 21 do camiño”, probou aos nosos atletas polos sendeiros de terra, asfalto e de gran desnivel. Elena Veres (F5) foi a primeira en chegar á meta, seguida de María Tarrío (F9), Joaquín Sangiovanni (M225), Antonio Carneiro (M226), Nuria Mejuto (F23) e Lara Salgado (F28).
Na proba curta dos 6 quilómetros tivemos ao noso Iván Abeledo (M16).

A familia Botana; Juan Luis, Laura e Antía, e Antonio Carneiro foron os representantes da SD Compostela Atletismo en Carnota, nas probas absolutas de 10 e 3 quilómetros na sexta cita do circuíto Correndo pola Costa da Morte. Iago Mateos participou da carreira Sub16 na que obtivo a 3a posición. En Carnota tamén estiveron Iago Fernández (Sub16) e Lucía Taboada (Sub14).

Segunda posición para o noso Sindo Gonzalez en Bueu, na fermosa cita Cross Cabo Udra, na que tamén estivo a nosa María Maroñas. Nos montes de Vila de Cruces, Silvia Fernández conseguiu un gran terceiro posto Master e, en Ribeira, na carreira 5K de El Canario-Homenaxe a José Nespereira, tivemos a Pablo Fernández.

O domingo pola mañá os nosos atletas foron ata a ría de O Burgo para participar na cita de 6 quilómetros de distancia. As cores azuis e brancas fixéronse notar de maneira significativa con José Sandá (5 – 1 Master2), Cristian Danis (12), Manuel Castiñeiras (21), Marcos López (35), Lucía Rodríguez, (8-3 Master2), Iván Solís (61), Nuria Mejuto (22), María Tarrío (23), Laureano Varela (123) e Malena Amigo (53).