De Lugo a Ferrol, pasando por Aguiño, a Esedé estivo presente en diversas citas deportivas a pasada fin de semana.
Un numeroso grupo de atletas compostelanistas, tanto adultos coma cativos, desprazàronse ata o concello lucense de Castro de Rei con ganas de probarse nunha distancia esixente como son os case 15 quilómetros que compoñen a proba absoluta. Nunha mañá xélida e coa néboa mesta típica da Terra Cha; David Martínez, Nuria Mejuto (1a Senior) , Laureano Varela, Juan Alvarellos, Carmen Otero, Andrea Cores, Marta Fernández, Emilio Fernández y Carmen del Río (2a MasterC) completaron a proba con grande mérito. A nosa atleta en idade escolar Xeila Mateos participou das carreira para atletas “promoción”.

Outra das citas emblemáticas do mes de Xaneiro, a San Xiao de Ferrol, tamén centrou a atención dos nosos. Alí tivemos a José Suárez, levando o premio como vencedor da categoria Master D. A nosa Conce Noya tamén cubríu a a proba dos 10 quilómetros atravesando as rúas da zona emblemática ferrolá.

Máis pretiño da casa, tivemos a Martina López representando á SD Compostela Atletismo na Milla Heroínas de Sálvora. A nosa atleta Sub16 acadou un magnífico terceiro posto da categoria.

E para rematar a fin de semana, Martina Gestal estivo no trail de Rois, quedando cuarta xeral e primeira de categoria.

Seguimos avanzando!