A Esedé despide o 2024 a o grande!

A carreira San Silvestre de Santiago de Compostela puxo o broche de ouro a un magnífico ano para a nosa entidade deportiva. Aínda que foron moitas e moi variadas as probas de fin de ano nas que se viron escudos compostelanistas, foi a da nosa cidade a que nos permitiu gozar dunha divertida cita vestidos coas nosas mellores galas. Cambiamos as mallas polos tutús e os tops polas pajaritas para vivir a última gran festa do deporte da capital de Galicia antes de darlle a benvida ao 2025. Ademais, poidemos celebrar a vitoria absoluta da nosa atleta Paula Fernández.

Foron moitos os atletas compostelanistas que, nas últimas xornadas do ano, participaron en diversas carreiras San Silvestre para despedir o ano facendo o que máis nos gusta.

En Neda, tivemos a David Martínez, Francisco Cepeda e ao noso novo Xian Martínez, todos eles logrando premiacións nas súas respectivas categorías.

Alejandro Montero non quixo perderse a San Silvestre Ourensá, onde acadou un meritorio terceiro posto na súa categoría; mentres que o noso José Suárez Leis desprazouse a Mugardos para completar os 10K Ares-Mugardos.

No concello veciño de O Pino, Carmen del Río foi terceira da clasificación xeral, unha proba na que tamén contamos con Iván Rey. E pretiño, en Negreira, tivemos a atleta local María Maroñas, compartindo kms con Manuel Castiñeiras, Nuria Mejuto, Laureano Varela, Juan Alvarellos, Carmen Otero, Fran Mendez e Shaila Muñiz.

Pero antes de chegar aos últimos días do ano, a nosa entidade estivo ben representada en numerosas citas deportivas do Nadal. Unha das máis emblemáticas do calendario de carreiras deportivas de Galicia, a popular Sin-Son, celebrouse o pasado domingo 29 de decembro. As nosas atletas gozaron, un ano máis, dos 10 quilómetros que separan as vilas de Portosín e Portosón nun percorrido especial no que se corre “mirando ao mar”. E iso fixeron os e as nosas que alí estiveron: Iago Mateos, Alberto Mariño, Xosé María Rodríguez, David Martínez, Fernando Sesar, Manuel Castiñeiras, Francisco Cepeda, Fernando Paz, Laureano Varela, Nuria Mejuto, Luis Míguez, Iván Solís, Álvaro Rodríguez, Javier Varela, Pablo Fernández, Joaquín Sangiovanni, Marta Fernández, Amira Simón, Martiño Placer, Silvia Fernández, Andrea Cores, Alberto Maneiro, Francisco Javier Carneiro, Jesús Cabo, Lucía Piñeiro, Malena Amigo, Carmen Otero, Juan José Alvarellos, Pilar Gómez, María Maroñas, Fernando Rey, Juan Luis Botana e Conce Noya.

Ese mesmo día, aquí na capital tivemos a carreria de Papá Noel onde resultaron vencedores dous dos nosos: Amador Pena e Tina Fernández.

Dende a ría de Noia ata a muralla de Lugo ou á pista cuberta de Ourense, José Suárez Leis participou na carreira Monumental 10K da cidade amurallada, mentres que no control de marcas da FGA celebrado en Ourense tivemos a Soledad Leiro cubrindo os 1.500 metros.

Noutra cita do Nadal, concretamente en Sada, a representación compostelanista foi maiúscula con Lucía Rodríguez, que conseguiu o terceiro posto xeral, Andrea Cores, Amira Simón e Loly Gómez.

Deste xeito, damos a benvida a un novo ano con grandes retos deportivos por diante e novos propósitos e metas para a SD Compostela Atletismo. Feliz 2025!