¡A ESEDÉ fíxose grande na casa!

Máis de medio centenar de atletas compostelanistas participaron e gozaron do día grande do atletismo en Santiago de Compostela. Como non podía ser doutra maneira, entre os 3.400 participantes da xa histórica carreira, as atletas branquiazuis formaron parte da xornada deportiva e festiva polas rúas da cidade.

Xa os días previos, tanto sábado como domingo, varios dos nosos atletas estiveron axudando a repartir os dorsais. Gracias a todos eles, se non fora polos voluntarios, as carreiras que tanto nos gustan, non serian posibles.

O domingo, a SD Compostela brilou con luz propia na 45 edición da carreira máis fermosa da comunidade galega. Tanto polos atletas que lograron colocarse entre os máis veloces da proba; coma polos que correron en grupo axudando e empurrando a outros compañeiros, coma pola nosa rapazada; que afrontou a subida de Vite con plena confianza e determinación. Todos e todas as nosas foron merecedores de cada palabra de ánimo e alento que a veciñanza compostelá transmitiu en cada quilómetro do percorrido. Un ano máis, a nosa ben querida Carreira Pedestre de Santiago de Compostela permitiunos disfrutar dun domingo de ocio saudable e de deporte entre amigos, familiares e veciños.

Como broche de ouro á xornada deportiva, puidemos celebrar as premiacións por categorías de: José Suárez Leis, Carmen del Río, Ainoa Gontán e Lucía Codesido.

Na emblemática Media Maratón de Valencia Trinidad Alfonso Zurich, tamén tivemos representación da man de David Martínez parando o crono en 1h21´17″.

E un pouquiño máis lonxe, en terras alemás, tamén estiveron as nosas coras con Juan Carlos Casal, na Mainova Frankfurt Marathon. Juan Carlos fixo os 42,195km en 2h44´33″.

Parabéns a todos e todas! Seguimos!