Rianxo, Vilamartín de Valdeorras, Negreira, Lugo… os éxitos da Sociedade Deportiva Compostela espállanse por toda Galicia!

A fin de semana deportiva iniciouse en Rianxo coa xa tradicional Carreira do Circuito do Barbanza de cada 1 de Novembro. Entre rúas empedradas e porto de mar, Soledad Leiro colleitou unha nova vitoria. Canda Sole, a muller máis rápida da proba, tamén tivemos a Iago Mateos que foi o atleta Sub18 vencedor da súa categoría. David Martínez, Piti Pereira, Antón Barreiro, Jesús Barral, Manuel Castiñeiras, Iván Solís, Laureno Varela, Javier Cepeda e Amira Simón, completaron o cadro compostelanista presente en Rianxo.

Julia Salvado, Alba Buján e Lucía Codesido foron protagonistas da xornada na subida Vertical de Valdeorras, dentro do campionato de Galicia de Trail running. As tres rapazas da Esedé venceron en cadansúa categoría; 20F, 18F y 16F na proba Media Vertical de 2,4 quilómetros. Roberto Salvado participou na proba absoluta de 4,2 quilómetros, logrando o 2 posto 50M.

En Lugo, nun dos mellores cross de España; que reúne a grandes promesas do atletismo nacional na disciplina de campo a través, puidemos celebrar as vitorias de Paula Fernández na categoría Sub16 e de Elena Veres no cross popular. Ainoa Gontán levou un máis que meritorio 2o posto Sub20, nunha proba en que tamén estiveron as nosas Rosana Fernández e María Fernández, que completaron con grandes figuras do deporte deste país como Esther Navarrete, Agueda Marqués ou María Forero.
Entre os atletas masculinos da proba absoluta tivemos a Fran Pais e Emilio García.

Pechando a xornada deportiva do domingo, na Carreira internacional Clásica de Negreira, a participación compostelanista foi notoria tanto na proba dos 10 quilómetros, como na carreira curta de 5 quilómetros. José Suárez Leis, Piti Pereira, José Sandá, Nando Sesar, David Martínez, Manuel Castiñeiras, Fran Méndez, Iván Solís, Laureano Varela, Javier Cepeda, Daniel García, Carmen Otero, Carmen Rodríguez e Amira Simón participaron da proba longa. Na distancia curta puidemos celebrar a premiación de Andrea Cores e de Iago Mateos nas súas categorías, xunto coa participación de Martí Miguens, Roi García, Martina López, Loly Gómez, Malena Amigo, María Maroñas e Fernando Rey.

Fernando Rey estivo o día anterior cubrindo o Trail Serra da Groba de 16 kms.

E por terras veciñas tivemos a Martina Gestal. Martina luciu as nosas cores debutando na distancia raiña do atletismo na Maratona do Porto.

Vémonos a próxima fin de semana en Ourense, Vigo e unha morea de lugares máis!