Foi unha fin de semana intensa para a familia da SD Compostela Atletismo, con competicións preto da casa e tamén lonxe, sempre coa ilusión e entrega que nos caracteriza.

Carreira do Románico – Negreira
Moi preto da casa disputouse a primeira edición da Carreira do Románico, onde tivemos unha ampla participación e grandes resultados. A gran protagonista foi Andrea Cores, vencedora absoluta da carreira, demostrando a súa enorme forma. Ademais:

• José Suárez Leis, 4º absoluto

• Leo Gándara, 8º da súa categoría e 9º na xeral

• Laureano Varela, 14º da súa categoría e 15º na xeral

• Martina, 1ª Sub16 e tamén 1ª Sub14

• Daniela, 2ª Alevín

• Xeila, 5ª Benxamín

• Marta, 7ª Benxamín

Un día no que a Esedé estivo no podio en practicamente todas as categorías.

XIII Cross Solidario Villa de Figueras (Asturias)
Unha proba con carácter solidario a favor da loita contra o cancro, na que a nosa Marta Fernández brillou cunha gran actuación:

• 5ª absoluta

• 1ª senior feminina

Carreira do Demo – Ribeira
Outro dos escenarios da fin de semana foi Ribeira, onde:

• Javier Cepeda acadou a vitoria na súa categoría (D), cun tempo de 26:58

• Tamén participou José Antonio Bernardez, deixando o listón alto para o club.

Nigrán
O sábado, Alejandro Montero volveu demostrar a súa gran forma:

• 4º da clasificación xeral

• 2º na súa categoría

Unha fin de semana completa, con esforzo, ilusión e podios en cada carreira. Seguimos sumando quilómetros e experiencias en cada dorsal.