Estadio Verónica Boquete – San Lázaro porta 15

a
M

ACTUALIDADe SD COMPOSTELA

Crónica Abril 15/16 Santiago, Vigo e máis

por | Abr 21, 2023

Antes de meternos de cheo nunha nova fin de semana deportiva, queremos recordar todo o que deu de si a pasada xornada.

Santiago de Compostela foi epicentro de atletismo galego e as cores da Esedé estiveron presentes na gran festa que foi a carreira “Os 10.000 peregrinos”.
A Pobra, Vimianzo e Vigo tamén contaron con protagonistas composteláns e Alejandro Montero volveu con medalla do Campionato de España ao Aire Libre de Deporte Adaptado.

Unha abafante e inesperada calor, máis típica do mes de Agosto que da primavera santiaguesa, puxo a proba aos nosos atletas na carreira “Os 10.000 peregrinos”. Dende as 16:30h e ata as 19h da tarde fóronse sucedendo as diversas carreiras que formaron parte desta I Edición da carreira de Deputación de A Coruña. Na proba máis longa e de maior esixencia física, con 10 quilómetros de percorrido, tivemos a varios dos nosos entre os 50 primeiros atletas chegados a meta: Amador Pena (M18), José Sandá (M34), Alberto Mariño (M35) e Manuel Castiñeiras (M36). Elena Veres (F8) cruzou a meta como primeira atleta feminina da Esedé. Daniel García (M69), Lennon Almeida (M70), Fernando Paz (M93), María Tarrío (F17), Joaquín Sangiovanni (M116), Nuria Mejuto (F18), Jorge Castro (M118), Jesús Barral (M135), Fran Méndez (M151), Laureano Varela (M153), Lara Salgado (F24), Francisco Pena (M222) e Fran Espiño completaron a longa lista de participantes que portaron o escudo compostelanista polas rúas de Compostela.

No Top20 da carreira curta de 5 quilómetros tivemos a Emilio García (M15) e Gerardo Cachafeiro (M16). Roberto Salvado (M29) e Xosé Antón Barreiro (M30) conseguiron premiación na proba dos 5 quilómetros como 2o e 3o Máster3. Roi García (M58), Juan Amigo (M59), Juan José Alvarellos (M69), Camila Romero (F15), Lucía Piñeiro (F29), María Maroñas (F42)e Malena Amigo (F48) chegaron á meta situada na praza do Obradoiro e desfrutando de correr polas rúas que en tantas ocasións nos ven adestrar.

Os 2K para atletas en idade escolar contou coa nosa sub14 Lucia Taboada e o atleta sub12 Guillermo Llorente.

O Circuito Correndo pola Costa da Morte citou aos nosos atletas na vila de Vimianzo. Laura Botana (F10), José Figueiras (M41) e Antía Botana (F20) tomaron parte da carreira de 3 quilómetros, mentres que nos 10 quilómetros tivemos a Antonio Carneiro (M56) e Juan Luis Botana (M145). O 1o atleta Sub16 en meta foi o noso Iago Mateos. Na carreira Sub16 tamén tivemos a Iago Fernández.

En Vigo, Sindo González e Paula González acadaron trofeos polas súas magníficas participacións na Carreira da Cereixa. Nos 5K Sindo foi o 6o atleta en comparecer en meta, 2o da categoría; e Paula tamén foi 2a da súa respectiva categoría.

O noso Alejandro Montero regresou de Xerez con éxitos da súa participación no Campionato de España ao aire libre de FEDDI, cun 3o posto nos 5.000m e outro bronce na proba de relevos.

Julia Salvado vivíu a súa primeira experiencia coa selección galega de carreiras de montaña, coa que participou no Campionato de España Individual e por Seleccións en Rute (Córdoba) obtendo a 7a praza da categoría xuvenil.

Metémonos de cheo nunha nova semana de adestramentos, na que coñecemos a convocatoria do noso míster Amador Pena coa Selección Galega de Trail para a proba que se disputará o 7 de Maio: o Campionato de España de Trail Running por Federacións Autonómicas en Lerín (Navarra).
Esta fin de semana estaremos na Carreira Popular de A Coruña, a Media Maratón e 10K de Madrid e no control de marcas da Federación en Santiago de Compostela, entre outras.

Redactado por Nuria Mejuto

Otros contenidos de la misma autora

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.