Ademais de triunfar no monte da Curota, os atletas da SD Compostela Atletismo tamén destacaron, e moito, nas probas disputadas no asfalto galego.

A Carreira da Pascua de Padrón foi outra das citas deportivas en que os composteláns brillaron con luz propia. Martina López impúxose como a corredora feminina máis veloz cun tempo de 57:08, seguida de María Tarrío (57:34) que foi 3a absoluta. No cadro masculino, tivemos a Xosé Antón Barreiro (26M) con premiacion como 3 Master2 e a Jesús Barral (53, 5 Master3). Iago Mateos regresou da vila do Barbanza coa medalla de prata Sub16. En Sub14 tivemos a Lucía Taboada, e a Carmen Carracedo en Sub12. Entre os atletas máis cativos na proba Sub10 estiveron: Xian Martínez, Xan Vilas e Adrián Mayo.

Tamén na Carreira das Praias celebrada en Barreiros (Lugo) Julia Salvado e Marcelo Lanza portaron a camisola branquiazul. Logo de cruzar os areais de Arealonga e Altar, a nosa Julia acadou o título de vencedora da categoría Sub23 e Marcelo o 4 posto MasterB.

Nas terras lucenses de Portomarín, Elena Veres foi gañadora da Carreira da Augardente con 7,3 quilómetros de percorrido polo Monte do Cristo con saída e chegada na praza do Camiño.

Iago Mateos amosouse intratable na cita deportiva celebrada no Concello de Narón levando o título Sub16 mentres que Lois Abel Meijome disfrutou da proba Sub12.

 

• 
• 
• 
• 
• 
• 
• 
• 
• 
• 
• 
•