Rematamos o mes de Agosto repasando todo o que deron de sí as últimas citas deportivas para os atletas da SD Compostela Atletismo.

En plena época estival o Campionato Galego de Milla en Ruta non fallo á súa cita na localidade lucense de Lourenzá. Os atletas branquiazuis amosaron o seu dominio nos 1,6 quilómetros, conseguindo medalla en case todas as categorías de adultos. Remarcamos o debut como novo atleta da Esedé de Francisco Pazos que na súa estrea logrou o subcampionato M55.

Julia Salvado – 3ª F- 2º Sub18
Amador Pena – 1º M40
Marcelo Lanza – 2º M45
Francisco Pazos – 2º M55
Roberto Salvado – 4º M50
Emilio García, quen tamén participou da proba, acadou a 3º posición M45 mais foi descalificado con posterioridade.
Entre os máis cativos estiveron: Alex Pena (2º Sub10), Daniela Gil (8ª Sub10) e Lucía Taboada (7ª Sub14). O noso Roi García participou na proba popular, na que foi 10º.

Outra das citas destacadas da xornada foi a Carreira Popular de A Pobra do Caramiñal; cita inaugural das catro carreiras que compoñen o Circuito do Barbanza. Unha carreira que os nosos coñecen ben, logo de ter asistido en anos anteriores e que desta vez reuníu a 24 atletas compostelanistas. Tras dúas voltas a un circuito rápido de 8 quilómetros sen apenas desnivel, puidemos celebrar algunhas das premiacións máis importantes do día:

José Antonio Gontán – 2º Máster3
Gonzalo Cao – 3º Sub20
Ainoa Gontán – 1ª Sub 20
Julia Salvado – 1ª Sub 18
Iago Mateos – 2º Sub16

En A Pobra tamén tivemos a: José Sandá, Manuel Castiñeiras, Elena Veres, Juan José Alvarellos, María Tarrío, Roberto Salvado, Fini Riber, Laureano Varela, Laura Botana, Juan Luis Botana, Jesús Cabo, Juan Luis Botana, Antía Botana, Pablo Fernández, María Maroñas e Malena Amigo. En Sub14 Lucía Taboada e Daniela Gil e Martín Trenco en Sub10.

Durante esta fin de semana celebráronse probas noutras localizacións da provincia, como a carreira “Cultivando Deporte” que se enmarca dentro das actividades lúdicas e de ocio do Festival da Luz de Boimorto e da que se proclamou gañador o noso José Sandá. Canda el, tamén asistiron: Elena Veres, María Tarrío, Laureano Varela e Javier Miramontes.

Tamén no concello pontevedrés de Ponte Caldelas tivemos a Sindo González portando a camisola da Esedé na 2ª Carreira Popular Festa das Dores, da que foi 10º clasificado e 2º M40.

Dúas clásicas millas do calendario galego tiveron lugar nos pasados días, como a Milla de San Roque de Sada e a milla de Sanxenxo. Na proba celebrada en Sada, Julia Salvado levou a vitoria feminina, Emilio García foi 2º Máster B e Roberto Salvado acadou o 7º posto da categoría. En Sanxenxo, Sindo González rematou 7º dos Veteranos A.

Neste mes de Agosto tamén se celebraron outras citas especiais, como a que tivo lugar hai uns días en Ribadeo e da que foi madriña a nosa Julia Vaquero; a carreira noctura Rinlo-Ribadeo. A propia Julia Vaquero (2ª VETB) participou da proba e, xunto con Marcelo Lanza (3º VETB), acadaron o 3ª posto por equipos.

Alejandro Montero e Iago Mateos desprazáronse ata Baiona e completaron, con moito mérito dadas as altas temperaturas da xornada, a Carreira Popular “Andar e Correr”, da que o noso atleta ourensán foi 6º, e o atleta cadete foi 4º da categoría. Emilio García estivo na Carreira noctura de San Ramón de Vilalba, facendo en 17:54 os 5K de percorrido (16).

Encaramos os últimos días do verán asistindo as carreiras populares da contorna, onde estaremos compartindo quilómetros e boas experiencias cos compañeiros da comunidade atlética.