Rematamos outra exitosa xornada deportiva na que, dende Galicia ata Londres, coroamos montes, sumamos quilómetros por asfalto e amosamos potencial na pista.

Logo de proclamarnos campións de Galicia por equipos no máis alto do Monte da Curota, a Esedé acadou o segundo posto no II Trail Cross Comarca do Ulla-Tambre celebrado este fin de semana. Para conquistar ese subtítulo comarcal foron fundamentais os resultados de todos os integrantes da SD Compostela Atletismo, en que destacaron Valeria Batire Guridi como gañadora absoluta feminina e Xosé María Rodriguez terceiro no cadro masculino. Amador Pena (4M), José Antonio Carneiro (24M), Sílvia Fernández (4F/1Master1), Juan Luis Botana Mosquera (42M) e Juan Luis Botana Ferreiro (47M) completaron a lista do equipo compostelanista que remataron os 18 quilómetros de percorrido.

En asfalto tivemos diversas citas no ámbito autónomico. A Coruña celebrou a súa tradicional Carreira Popular C10, homologada pola Federación Española de Atletismo con saída desde Porta Real e punto final na Mariña, transcorrendo polos Cantóns, Linares Rivas e o interior do Porto. Gerardo Cachafeiro foi o atleta máis veloz da Esedé en A Coruña (M68), seguido de Fernando González (M103), Lennon Almeida (M156), Jesús Barral (M165), Iván Solís (M174), Pedro Pazos (M190) e Segundo Domínguez (341). As nosas Lucía Rodríguez (F27) e Fini Riber (F73) tamén participaron na proba coruñesa, logrando Lucía premio como 3a Master2.

En Lugo, na cuarta Carreira do Circuíto Corre con Nós; Impulso Verde C.C. As Cancelas, o noso Marcelo Lanza rematou na 9a posición levando premio como 1o da categoría V50.

Tamén na provincia de Lugo, concretamente na Mariña Lucense, transcorreu a XII Camovi, Carreiras por Montaña Montes de Viveiro, onde a nosa Julia Salvado coronouse 1a Cadete e 5a xeral na proba curta de 10 quilómetros. Roberto Salvado, na mesma distancia, rematou entre os 30 primeiros corredores.

Alejandro Montero estivo na Carreira dos Vinteun celebrada en Ourense, en que obtivo a 12 posición xeral e a 6a praza da categoría.

Ata Madrid chegaron as cores azuis e brancas da man dos nosos atletas que, xunto con outros 39.000 atletas, participaron da Zurich Rock and Roll Running Series de Madrid. Na distancia curta de 10 quilómetros tivemos a Ángel García e Malena Amigo, os atletas máis madrugadores percorrendo as rúas madrileñas. Pouco despois saíron, dende Praza de Gregorio Marañón con destino final en Paseo de Recoletos, os corredores de Media Maratón entre eles: Joaquín Sangiovanni, Elena Veres, María Tarrío e Nuria Mejuto que, por esa orde, completaron os 21 quilómetros con moito mérito baixo o intenso sol primaveral. Tamén a nosa Paula Esteiro participou dunha proba deportiva en Murcia; na Carreira Solidaria polo paseo de San Javier (Cartagena) 10K.

Pechando as probas en asfalto desta fin de semana, nunha das maratóns máis relevantes a nivel internacional; a Maratón de Londres, reuníu a grandes atletas de todas as partes do mundo, entre eles o noso Jose Carlos Casal que fixo un tempazo de 2h40’09” .

Tempo de pista para os nosos atletas máis novos cunha nova xornada XOGADE, desta vez en Ribeira. Alex Pena, Cesar Ramos e Xián Martínez estiveron nos 400m e Cesar e Xián repetiron participación no lanzamento de pelota. No cadro feminino; Daniela Gil participou nos 200m mentres que Noa López, Martina Catoira e Paula Peñín estiveron nos 400m. En 500m tivemos a Carmen Carracedo e nos 80m valos foron África Gil, Irene Leis, Clara Leis e Martina Rodriguez as que portaron a camisola branquiazul. En Altura estiveron Carmen Carracedo e Enma Catoira e na proba de Tesoira participou Noa López. Irene Leis, Clara Leis, Martina Rodriguez e África Gil tamén probaron en Lonxitude.

No control de marcas en pista ao aire libre celebrado o domingo na pista Universitaria De Santiago foron varios os atletas da Esedé que decidiron facer rexistro:
Juan José Alvarellos nos 100m
Paula Fernández nos 1000m
María Maroñas nos 200m

Entre os nosos cativos:
Clara López e Carmen Dapena nos 80m.
Lucía Taboada, Clara López, Sofía Suárez e Carmen Dapena nos 500m (u.14).
Vega Pérez e Marta Vilacoba nos 500m (u12).
Breo Abel, Niko Costoya e Víctor Pomar nos 300m Sub8
Xan Vilas, Alex Pena, Diego Amboage, Xian Martínez e Xandre Dapena nos 500m (u.10).
Leah Amboage nos 50m .
Andrés Vilacoba nos 500m (u14) e Guillermo Llorente nos 500m (u12)
Vega Pérez en Altura Sub12