As cores da Esedé relucen no Campionato de España celebrado en Bilbao e en diversos puntos da xeografía galega.

O Campionato de España 10K en ruta celebrado en Bilbao, foi tamén a estrea dunha nova unión para a nosa entidade cunha empresa patrocinadora. Evelb convírtese nun novo compañeiro para as vindeiras temporadas e xunto a el percorreremos máis quilómetros e cruzaremos novas metas.

A primeira delas tivo lugar en Bilbao, no Campionato que se desenvolveu conxuntamente coa I edición da proba popular «10k Bilbao» e cunha temperatura elevada para a época do ano na cidade bilbaína. Con todo, os nosos atletas desprazados á capital do País Vasco; Manuel Sobral, Emilio García, Javier Cepeda, Manuel Castiñeiras e Carmen del Río, acadaron grandes resultados a nivel individual na competición nacional que encumbrou aos mellores de España na distancia. Con eles estivo Nuria Mejuto parttcipando na proba popular.

• 
• 
• 
• 

En terras galegas, tivemos representación en diferentes probas da nosa xeografía. Camariñas foi porta de entrada a unha nova edición do Circuito de Carreiras Correndo pola Costa da Morte. Alí tivemos a Iago Mateos levando a vitoria na proba Sub18; a Carmen Otero e Andrea Cores como segunda e terceira da proba 3K e a Fran Pais como segundo no 10K. Canda eles, tamén Toñito Pardiñas, David Martínez e Matías Benito. Entre os atletas da nosa escola deportiva; a nosa Xeila Mateos impúxose na proba Sub10.

• 
• 
• 
• 

Dende Melide ata Arzúa, na I Carreira Terra do Queixo o protagonismo da SD Compostela Atletismo foi notable. Á vitoria no cadro feminino de Tina Fernández sumouse o segundo posto para Elena Veres e o cuarto de María Tarrío; mentres que o noso Alberto Mariño foi sexto xeral masculino. Os resultados de Nando Sesar, Antonio Touron e Jesús Barral tamén foron determinantes para que o noso club acadase o segundo posto por equipos.

• 
• 

Xosé Antón Barreiro e Sindo González, que volvía ao asfalto logo dunha intervención quirúrxica hai uns meses, foron os dous corredores compostelanistas que participaron na Carreira de Teis na modalidade 10K e 5K, respectivamente, incluida no Circuito Run Run Vigo.