A Esedé, entre a maratón e o trail.

Que os nosos e as nosas atletas están presentes en canta proba se celebra é unha realidade da que estamos ben fechandosos. Mais a pasada fin de semana as cores compostelanistas luciron en dúas disciplinas diferentes: o Campionato de España de Maratón celebrado en Barcelona e o Campionato de Galicia de Trail en Caldas de Reis. En ámbalas dúas probas, os corredores da SD Compostela Atletismo conseguiron fitos relevantes tanto a nivel autonómico como nacional.

Baixo o Arco do Triunfo o noso Jordi Carrasco coroouse campión da proba raíña na categoría M50 parando o cronómetro nun abrumador 2:29:58, tempo que lle serviu para establecer novo récord galego M50 en Maratón. Canda el, completaron o equipo compostelanista presente no Campionato Nacional: Cristian Expósito, Javier Carlos Capón, Daniel Álvarez, Manuel Sobral, Fernando Pousa, Carlos Casal, Alberto Pereira e a nosa Soledad Leiro; deixando pegada da SD Compostela Atletismo na historia dunha das probas atléticas máis importantes de España.

En Caldas de Rei desenvolveuse o Trail Laxe dos Bolos paralelamente ao Campionato Xunta de Galicia de Trail Running na modalidade Classic. Tres das nosas atletas máis novas e apaixonadas da modalidade de trail running defenderon as cores da Esedé no campionato galego. Lucía Taboada e Julia Salvado foron dominadoras da distancia curta e media do Trail de Santa María nas súas respectivas categorías Sub16 e Sub20; e a nosa Xulia Vidal obtivo o bronce na categoría Sub18. Cubrindo a distancia media tamén tivemos aos nosos Nando Sesar e Santi Dapena.

O Circuito de carreiras “Coruña Corre” celebrou a proba nocturna con saída aos pés da Torre de Hércules e algo máis de 6 quilómetros de distancia. José Suárez Leis foi o representante compostelanista presente na proba coruñesa.

Por último, en As Pontes, tivemos aos nosos Juan Amigo e Conchi Noya, participando na Carreira de San Xosé. Nun trazado de 6,4 quilómetros, o noso Juanito acadou a vitoria na categoría M3.