Estadio Verónica Boquete – San Lázaro porta 15

a
M

ACTUALIDADe SD COMPOSTELA

Crónica Maio 06/07 Cacheiras, Oroso, Nigrán e máis

por | May 9, 2023

 

¡Campións por equipos en Cacheiras e terceiros en Oroso!

 

Rematada unha nova xornada deportiva no eido da Sociedade Depotiva Compostela Atletismo facemos un balance máis que positivo: campións por equipos femininos e terceiros masculinos na Batalla de Cacheiras e terceiro posto na Carreira Pedestre de Oroso, así como diversos recoñecementos para os nosos atletas por toda a xeografía galega.

 

Unha fin de semana máis, contamos con participación compostelanista nas dúas citas en pista ao aire libre que tiveron lugar nas recentemente estreadas pistas da Universidade de Santiago. Moitos dos nosos atletas en idade escolar e outros tanto adultos aproveitaron para participar nas probas que se sucederon na tarde do venres, dentro da II Xornada Serie Pista USC, como na sesión do sábado no Xogade de atletismo en pista. Máis de 20 atletas da canteira branquiazul gozaron da oportunidade de practicar atletismo ao aire libre nas renovadas instalacións da cidade, acompañados por amigos, compañeiros e familiares.

 

En asfalto, volvemos festexar importantes logros en equipos logo de impoñerse na clasificación feminina e asinar o terceiro posto masculino na Batalla de Cacheiras, e tamén acadar o 3º posto na Pedestre de Oroso. A nosa entidade estivo ben representada nas dúas carreiras deportivas da contorna e froito dos excelentes resultados individuais puidemos subir ao podio.

Esixente e dura a partes iguais, a Batalla de Cacheiras obrigou aos nosos atletas a dalo todo nos 8,5 quilómetros de percorrido cun tramo final de pendiente costa arriba moi pronunciada. María Tarrío logrou a segunda posición absoluta seguida de Teresa Carneiro, no seu debut coas cores da Esedé. As participacións de Fini Riber (7), Beli Bermúdez (9), Silvia Fernández (10), Lucía Piñeiro (12) e María Maroñas (14) foron fundamentais para levar a premiación como equipo vencedor feminino; así como a participación do cadro masculino, formado por: José Sandá (9), Antonio Vázquez (21), Joaquín Sangiovanni (37), Roi García (42), Pablo Fernández (58), Francisco Pena (78), Jesús Manuel Baña (67) e Jose Figueiras (69). Moitos deles subiron ao podio ademais por categorías.

Niko Costoya e César Vara participaron da proba Sub7-S8.

 

Tamén en Oroso foron numerosas as camisolas da Esedé que tomaron parte da Carreira Pedestre da concello veciño. Martín Abelenda (8), Emilio García (18), Juan Carlos Raviña (19), Jesús Barral (27), Francisco Méndez (31), Elena Veres (4), Segundo Domínguez (41), Valeria Batire Guiridi (6), Juan José Alvarellos (49) e Malena Amigo foron os atletas absolutos que, cos seus resultados, lograron a 3ª posición por equipos. Ademais da premación grupal, os nosos tamén recibiron diversos trofeos por categorías.

 

O evento deportivo Correndo Pola Costa da Morte celebrou en Mazaricos a 3ª das 10 que compoñen o circuito. Iago Mateos impúxose como o atleta Sub16 máis rápido, 2º da proba Xuvenil, (Sub14/16/18). Christian Danis (6), Laura Botana (5) e Jose Figueiras (34) participaron na proba curta de 3 quilómetros, mentres que Paula Esteiro (9) completou os 10 quilómetros.

 

Na carreira nocturna 5K de Nigrán, Julia Salvado asinou un gran 3º posto xeral e compartíu podio coa campioa olímpica de paratriatlón Susana Rodríguez, gañadora da proba. Alí tamén tivemos a Roberto Salvado (27). En Salceda de Caselas, na proba de 5K, Sindo González rematou na 4º posición, a menos dun minuto do gañador da carreira.

O atleta ourensán da Esedé, Alejandro Montero, participou no III Trofeo CD LA Purísima- Concello de Pereiro, facendo 4’36» na proba dos 1.500 metros.

Ademais, a nosa Paula Fernández conseguiu a mínima para o Campionato de España dos 1.500 obstáculos con 5’16», mínima que se suma á obtida días atrás nos 3.000 metros.

 

Amador Pena regresou da convocatoria coa selección galega de trail logo de disputar o Campionato de España de Federacións Autonómicas en Lerín, Navarra. O míster, que correu parte da proba lesionado, sobrepúxose ás adversidades e foi quen de rematar os 27 quilómetros (+1400 metros). O combinado galego obtivo a 13ª posición masculina e a 9ª feminina.

 

 

Redactado por Nuria Mejuto

Otros contenidos de la misma autora

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.