A SD Compostela Atletismo brilla no Campionato de España Máster de 5K celebrado en Ames

A SD Compostela Atletismo volveu subir ao máis alto do podio nunha cita nacional, esta vez no Campionato de España Máster de 5 quilómetros en ruta, disputado este domingo en Ames (A Coruña).

O club compostelán asinou unha actuación memorable, con tres títulos individuais, un récord de España e catro medallas por equipos, consolidándose como un dos referentes do atletismo máster galego e nacional.

No apartado individual, Alberto Mariño proclamouse campión de España M40 cun excelente tempo de 15:58, mentres que Carmen Rodríguez fixo historia ao coroarse campioa de España F70 cun rexistro de 23:27, establecendo ademais novo récord de España da categoría.
Tamén subiu ao podio José Suárez Leis, que logrou o subcampionato de España M60 cun tempo de 17:37.

O éxito foi colectivo tamén nas probas por equipos, nas que a SD Compostela Atletismo destacou en todas as categorías nas que competiu:

• 🥉 Bronce para o equipo M35 formado por Cristian Expósito, Alberto Mariño, Manu Sobral e José Sanda.
• 🥈 Prata para o equipo M55, con Antonio Vázquez, Ángel Fernández e Juan Luis Amigo.
• 🥇 Ouro para o equipo M60, integrado por José Suárez Leis, Jesús Barral e Emilio Fernández.
• 🥉 Bronce para o equipo F45, composto por María Tarrío, Rocío Díaz e Carmen Rodríguez.

Unha xornada inesquecible para o club compostelán, que demostrou unha vez máis o seu nivel competitivo, o espírito de equipo e o gran traballo de base que se realiza dende hai anos.

Pero houbo moito máis, a familia branquiazul espallouse por toda Galicia deixando grandes actuacións en citas destacadas.

🌟 XXIV Carreira Popular de Ames
Tamén en Ames, disputouse un clásico do calendario no que os nosos atletas volveron brillar en todas as categorías:

• 🥇 Elena Veres, 1ª Sénior
• 👏 Leo Gándara, 4º Sub20
• 👏 Martina López, 4ª Sub16
• 👏 Fernando Sesar e Miguel Vidal, 29º e 30º Máster 2
• 👏 Iván Solís, 17º Máster 1
• 👏 José Antonio Bernárdez, 46º Máster 3
• 👏 Ignacio Beltrá, 45º Sénior
• 👏 Noelia Suárez e Andrea Cores, 8ª e 9ª Sénior
• 👏 Loly Gómez, 15ª Máster A
• 👏 Conchi Noya, 7ª Máster 3
• 👏 Claudia Castro, 12ª Sub16
• 👏 María Sesar, 10ª Sub14
• 👏 Daniela Gil, 10ª Sub12
• 👏 Martín Fernández, 43º Sub10

Gran participación da Esedé nesta cita multitudinaria, destacando o compromiso dos máis novos.

💪 Gran Fondo Pontevedra
Unha proba esixente e pasada por auga, pero que non deixou de ser fermosa, onde o equipo amosou forza e nivel:

• 🥈 Soledad Leiro, 2ª Absoluta
• 🥈 Dani Álvarez, 2º Máster 2
• 🥉 Piti Pereira, 3º Máster 2
• 👏 Javi Capón, 5º Máster 3
• 👏 Emilio García, 47º Máster 2
• 🥇 Nuria Mejuto, 1ª Máster 1

Resultados espectaculares que reflicten o gran momento do noso grupo nas distancias longas.

🏅 XX Carreira Pedestre de Lestrobe

• 👏 Carlos Bustelo, 5º Máster B

Excelente actuación nunha proba de moita tradición, sumando un novo posto destacado para o club.

🍁 Carreira da Carballeira (Ourense)

• 🥉 Alejandro Montero, 3º da xeral e 🥈 2º da súa categoría.

Unha cita especial organizada pola Asociación de Veciños da Carballeira, con premios propios fóra do circuíto “Correndo por Ourense”.
Alejandro volveu amosar o seu gran estado de forma, completando unha carreira rápida e moi competida.

🎗️ Vigo vs. o Cáncer

• 👏 Anxo Otero, 4º da xeral e 🥈 2º da súa categoría.

Aínda que non houbo clasificación xeral oficial, Anxo fixo unha gran carreira, contribuíndo cun novo podio nun evento solidario e emotivo.

💙 Seguimos sumando quilómetros, ilusión e equipo!