Crónica das últimas semanas: quilómetros, emocións e moito orgullo branquiazul.

Logo dun tempo sen publicar, tocaba parar un momento e mirar atrás, porque nas últimas semanas a familia da SD Compostela Atletismo non parou de sumar momentos inesquecibles por toda Galicia… e máis alá. Foi un período cheo de esforzo, podios, experiencias e, sobre todo, moita paixón polo atletismo.

Un dos momentos máis destacados vivímolo nas rúas da nosa cidade coa SantYago10K, unha carreira que sentimos como casa e que contou cunha gran participación branquiazul. Tanto os atletas sénior coma a nosa canteira fixeron unha demostración de entrega e amor polo deporte. Compostela encheuse de camisetas azuis correndo con orgullo, dende veteranos ata promesas que seguen dando os seus primeiros pasos nas carreiras.

A ilusión tamén nos levou fóra de Santiago, e cada fin de semana tivemos representación en múltiples carreiras. En Curtis, Alberto Mariño asinou unha brillante actuación cun 2º posto absoluto. En Mazaricos, os nosos atletas volveron dar a talla con Fran País (3º no 10K), Tina Fernández (1ª absoluta) e Matías Benito destacando tanto nos 10K como nos 3K, onde tamén brillaron David Mellado e Andrea Cores.

• 
• 
• 
• 
• 

Na Carreira do Camiño das Letras, Alberto Maneiro, Xosé Antón Barreiro, Jesús Barral e Juan Luis Botana sumaron unha nova experiencia con moi bos resultados,

• 
• 
• 
• 
• 
• 
• 

Polo sur, na carreira que se disputa entre O Grove e Sanxenxo, a Entrerrías, tamén nos fixemos ver: podio para Daniel Álvarez no 10k, onde tamén destacamos a actuación de Andrea Cores. Na distancia longa de media maratón tivemos a Ignacio Beltrá. Na modalidade de relevos, destacamos a vitoria para a parella formada polos nosos Jordi-Tina, onde tamén participaron Nuria-Nano, acompañados por Alberto Pereira formando parella con outra compañeira.

O mesmo espírito competitivo levounos a Dumbría, onde Tina foi a máis rápida nos 10K e José Suárez Leis asinou unha excelente carreira cun 9º posto absoluto e vitoria na súa categoría. En distancias máis curtas, David Mellado e Andrea Cores volveron subir ao podio no 3K.

En Ordes, tamén houbo representación branquiazul, con Ángel Fernández e Rosana Fernández, que foi 3ª absoluta, ademais da nosa prometedora Martina López, que quedou 3ª en sub16.

• 
• 

Nunha das grandes citas populares do calendario, Laredo, a SD Compostela estivo representada por un grupo numeroso e entregado: Jordi, Manu Sobral, Dani Álvarez, Sanda, Laureano Varela, Emilio Vázquez, Soledad Leiro, Joaquín Sangiovanni, Luis Míguez, María Tarrío, Dani García, Elena Veres, Marta e Emilio Fernández, Rocío Díaz e Alejandro Villar, entre outros, competiron con garra e espírito de equipo.

• 
• 
• 
• 
• 
• 
• 

A nosa presenza tamén chegou á Media Maratón de Lugo, con Segundo Domínguez, e a Portomarín, onde Juanito Amigo foi gañador da súa categoría. E nun trail de 17 km en Curtis, Juanito volveu demostrar a súa valía acadando novamente a vitoria na súa categoría.

• 
• 

Por se fora pouco, esta última fin de semana celebrouse o Cross de Santiso, onde Tina Fernández foi a gañadora absoluta da proba e Nuria Mejuto subiu tamén ao podio como segunda na súa categoría. Xunto a elas participaron con entrega Antonio Carneiro, Luis Míguez, Martiño Placer e Xosé Carlos Carracedo.

• 
• 
• 
• 
• 
• 

Cada carreira, cada quilómetro, cada dorsal, é unha mostra do que somos: un equipo unido, con espírito competitivo pero tamén compañeiro, que crece con cada paso e comparte cada logro.Grazas a todos os que facedes posible que a SD Compostela Atletismo siga medrando. Seguimos adiante, con máis forza ca nunca!